Merkezê Çapemenî û Îrtîbatî yê HPG’yî eşkerayîya nuştekîye daye û derheqê çalakîyanê gerîlayan û hêrişê artêşa Tirkî de nê pare kerdî:

‘’17’ê Tebaxe de herêma Xakurkê ya Wareyê Pawitişî yê Medya de leşkerê Tirkî yê ke Qilê Şekîfî de ameybî cakerdene ameyî pirodayene. Çalakîya ke di qolan ra mewzî û stargehan ser o adir ame varnayene de 5 leşkerî ameyî kiştene. 18’ê Tebaxe de   Qilê Xwedê yê Avaşînî de îşxalkarî ameyî pirodayene la peynîya çalakîye safî nêbîye. Heman roje de qezaya Geverî ya Colemêrgî de vera Qereqolê Şuvê yê bajarekê Esendere çalakîyêk ameyî viraştene. Hûmara merde û birîndaran nêameye zelalkerdene.

Artêşa Tirkî ya îşxalkare 11’ê Tebaxe de qezaya Geverî ya Colemêrgî de oprasyonêk da destpêkerdene. Operasyono ke bi paştayîşê  wesayîtanê bêmerdiman ê hawayî û helîkopteran mintiqaya Kirê Korî de ame viraştene de mabênê embazanê ma û îşxalkaran de pêkewtişî vejîyayî. Embazê ma Denîz heta guleyê xo yê peyên xover da û seba ke destê dişmenî mekewo bombaya xo xo ser teqnaye û tewrê kerwanê şehîdan bi. Embazê ma Hezar ( Îsmaîl Taş) zî birîndar kewt destê dişmenî.

Hayîdarîyê nasnameyê gerîlayo ke şehîd bîyo wina yo:

Artêşa Tirkî 4’ê Temmuze de qezaya Qaqizmanî ya Qersî de dest bi operasyonêk kerd. Operasyono ke mintiqaya Çemçê de ame viraştene 6’ê menge de hêzanê ma mintaqaya Madûra de vera yewîyanê ci çalakîya sabotajî viraşte, le peynîya çalakîye safî nêbîye.

14’ê Tebaxe de teyaryanê şerî yê Tirkî mintiqaya Madûra bombardûman kerde.Embazêkê ma nê hêrişî de şehîd bi. Hayîdarîyê nasnameyê embazê ma do rayapêroyîye dir berê parekerdene. 19’’ê menge de dormeyê dewa Bolê yê Qendîlî ame bombardûmankerdene. Hêrişî de vînîbîyayeyê ma çîn ê, la bax û baxçeyanê şarî ziraro madî dî.’’