Endamê Konseya Rayberdişî ya KCKyî Xebat Andokî Radyoya Dengê Welatî rê rojdem ercna.

Qiseykerdişê Andokî ra beşêk wina yo:

''Hêzanê kapîtalîstan waştêne pê tecrîdî vengê Rayberîye bibirnê. La Rayberîye rixmê teda, îşkence û zulmî zî nêvindert. Rayber Apo Îmrali de bihêzêr bi. Ê wazenê şexsê Rayberîye de zî PKKyî çin bikerê. La PKK hêzê xo Rayberîye ra gêno coka hertim xurt o. Kurdîstan û teberê welatî de seba azadîya Rayber Apoyî kampanyayî yenê kerdene. Fikr û felsefeya Rayberîye zî pêro dinya rê vila benê. Xora tay kêmasîyî zî est ê. Eke nê kêmasîyî werte ra bêrê wedaritene hînî şarê ma vera şerê modernîteya kapîtalîste do ser bikewo.

Ma nika vera hêrişan wazenê bi stratejîya Şerê Şarî yê Şorişgêre ser bikewê. Dişmen zî wazeno pê 'Planê Çinkerdişî' PKKyî tasfîye bikero û şarê kurdî qir bikero. Beno ke merkezê nê şerî Zap, Avaşîn, Metîna û Herêmê Pawitişî yê Medya yê la şer her ca de yeno kerdene. Heftanînî ra heta Qendîlî dewleta tirke her ca de hêriş kena. Rojawan de cara hertim şer est o. Vera şarê kurdî hêrişê qirkerdişî yenê kerdene. 

Dewleta tirke pê çekanê kîmyewîyan şer kena. NATO na babete de welatanê mîyanneteweyîyan zî bêveng keno. Kurdê xayînî zî mîyanê nê hêrişan de ca gênê. Şexsê PDKyî de xeta îxanetî dewam kena. Dewleta tirke senî nêzdîyê PKKyî bena, bi heman hawayî nêzdîyê PDKyî zî bena. Xanedanîya Barzanîyan seba tasfîyekerdişê PKKyî seferber bîya. Eke PKK tasfîye bibo do kes selam nêdo PDKyî.

No şeer şero stratejîk o, do qederê şaran eşkera bikero. Embazê ma coka asta fedayîye de xo ver danê. Dewleta tirke pê pêro hêzê xo hêriş kena, teknîk û çeka kîmyewîye şuxilnena. Potansîyalê Têgêrayîşê Azadîye hema bi temamî nêkewto dewre. Wexto ke ma no kerd, ma do hînî kokê dewlete bîyarê. Ma do dişmenê qirkerî ra hesab bipersê. Êyê ke wazenê têgêrayîşê azadîye tasfîye bikerê, bi xo do tasfîye bibê. Şerê Şarî yo Şorişgêr eşkeno ney bikero. Seba serkewtişî erk keweno milê her kesî. Ganî her kes goreyê ney têbigêro.''