Hewlêr de grevê vêşanîye yê Nasir Yagizî yo ke semedê wedartişê tecrîdê serê Rayberê Şarê Kurdî Abdullah Ocalanî bêro wedartine yeno viraştene roja xo ya 100. rê nêzdî beno. Mexmûr de zî çalakîya Fadîle Toke raja 33’ine de dewam kena.
Endamê HDP’yî Nasir Yagiz 21’ê Teşrîna peyêne ya 2018’î ra nata grevê vêşanîye de yo. Yaxizo ke 93 rojî yo grev de yo rewşa weşîya ci çend şino giran bena.
Doktorî vanê ke çalakîya Yaxizî kewta merheleya krîtîke la Yaxiz rixmê rewşa weşîya xo ya girane bi qerardarîya girde çalakîya xo dano domnayene û veng dano ke her kes wa tewrê mucadeleyî bibo.
Yew cayo ke grevê vêşanîye yê bêdem-bêagêrayîşî esto zî Kampa Mexmûrî ya. Endama Menclîsê Îştare yê Mexmûrî Fadîle Toke zî 20’ê Çele de dest bi çalakîya xo kerde û 33 rojî yo dewam kena. Toka ke problemanê ci yê weşîye dest pêkerdî, seba dewamkerdişê çalakîya xo biqerar a.
