Çarçewa Hemleya 'Abdullah Ocalanî rê Azadîye, Meseleya Kurdan rê Çareserîye' de serkêşîya TJA, DBP û DEM Partî de şaristananê Vakurê Kurdîstanî de pawitoxname û erjnayîşê Rayberê Şarê Kurdî Abdullah Ocalanî ameyî wendene.

Amed de taxa Karazî de bînaya DEM Partî de cinîyan babetê 'xopawitişî' û 'Teorîya Vilike' wendî û ercnayî. Dima cinîyan girîngîya xopawitişê vera polîtîkayanê şerê taybetî nîqaş kerde. Qezaya Erxenî de zî xeylêk taxan de şar kom bi.

Êlih de taxa Petrolkentî de beşê pawitişê Rayberê Şarê Kurdî Abdullah Ocalanî ameyî wendene, sîyaseto nikayên ame ercnayene.

Wan de xeylêk qezayan de çalakîya 'Wendişê Azadîye' roja 7ine de dewam kerd. Taxa Emînpaşayî ya qezaya Artemêtî, taxa Îstasyonî ya qezaya Tûşba û taxa Yenîmahalle ya qezaya Rêya Armûşî de kombîyayîşê wendişî ameyî kerdene.