Ama zanayene ke dewa Çilçaxî ya qezaya Xîzanî ya Bedlîsî de mînîbusa raywanan vejîyayîşê dewe de keratî rê leyr bîye. Goreyê zanayîşan 10 kesan cuya xo vînî kerde û 3’ê înan bi giranî 8 kesî birîndar bîyî. Birîndarî ameyî berdene bi nêweşxaneyanê Xîzan û Tetwanî.
Nameyê kesanê ke cuya xo vînî kerde wina yê: Osman Sabrî Tarhan (81), Gulnaz Tarhane (75), Abdûrrahman Tarhan (11), Îsmettûlah Tarhan (17), Kenan Atik (34), Buşra Tarhane (13), Bunyamîn Tarhan (16), Senem Atike (15), Mert Atik (12) û Buşra Atike.
Birîndarî Zehra Atike, Nûrcan Tarhane, Umît Çetîn, Eyuphan Taş, Nûr Mûhammed AtIk, Alî Îhsan Tarhan, Methîye Atik û Mustafa Atik zî nêweşxaneyen de yenê dermankerdene.