Merkezê Îrtîabatî û Çapemenîye yê HPGyî dergehê hêrişê îşxalî yê dewleta tirke û çalakîyanê gerîlayan de eşkerayîye daye.

Eşkerayîya HPGyî de nê ameyî vatene:

''Operasyonê artêşa tirke yo ke 23ê nîsane de vera Herêmanê Pawitişî yê Medya da destpêkerdene dewam keno. Gerîlayê Azadîye yê Kurdîstanî çarçewa ''Hemleya Şorişgêre ya Bazanê Zagrosî'' û  ''Hemleya Şorişgêre ya Cengê Xabûrî'' derbenê pîlan danê îşxalkeran ro.

 Hemleya Şorişgêre ya Bazanê Zagrosî

Hêzanê ma 25ê nîsande de îşxalkerê ke Qilê Mareşoyî yê Avaşînî de ameyî cakerdene vera înan saetanê serê sibayî de çalakîyêke kerde. Çalakîya bitesîre de di îşxlakerî ameyî kiştene. 26ê nîsane de zî Qilê Şehîd Serdarî yê Zapî de bi taktîkê sûîqestî di çalakîyî ameyî kerdene. Nê çalakîyan de îşxalkerêk ame cezakerdene û îşxalkerêk zî birîndar bi. Eynî roje saetanê cemê şanî de îşxalkerî narey Qilê Serdarî de pê  doçka û hawanan ameyî hedefgirewtene. Hûmara merde û birîndaran nêamaye tesbîtkerdene. Badê çalakîye artêşa tirke herême bombarduman kerde. Saetanê vera şanî de Qilê Şehîd Mûnzûrî yê Zapî de îşxalkerî çar rey pê rokatan ameyî pirodayene. Na çalakîye de di îşxlakerî ameyî cezakerdene. Îşxalkeran badê çalakîye herême bobmarduman kerde. Qilê Şehîd Serxwebûnî yê Zapî de zî veraşan di mewzîyê îşxlakeran ameyî hedef girewtene. Netîceya çalakîye de panc îşxlakerî ke mewzîyan de bî ameyî cezakerdene û yew kamaraya mobese ameye îmhakerdene. 27ê nîsane de Qilê Şehîd Serdarî yê Avaşînî de îşxakeranê pê birnayîşê daran waştêne xo ca bikerê, mesafeyo nizdî ra ameyî pirodayene. Çalakîye de di îşxalkerî ameyî cezakerdene. Eynî roje reyna Qilê Şehîd Serdarî de bi katyuşan çalakîyêke ameye kerdene.

Hemleya Şorişgêre ya Cengê Xabûrî

Mabenê tarîxanê 24 û 25ê nîsane de îşxalkeranê ke waştêne qilanê Şehîd Serhat û Şehîd Çîya yê Metîna de bêrê cakerdene, hêzanê ma vera înan çar reyî çalakîyê sabotajî kerdî. Nê çalakîyan de 6 îşxalkerî ameyî cezakerdene.  26ê nîsane de vera qereqolê artêşa tirke yê Kanî Masî bi hewayêkê hemwextî di çalakîyî ameyî kerdene. Çalakîye de mewzîya A4 û çeka ci ameyî îmhakerdene û di îşxalkerî ameyî cezakerdene. Eynî wextî de îşxalkerêk bi taktîkê sûîqestî ame cezakerdene. Eynî roje Qilê Şehîd Serdarî yê warê Derarê yê Metîna de vera îşxalkeran çalakîya xurte ameye kerdene. Îşxalkerî verî gerîayî binê kontrolî dima ra ameyî pirodayene. Çalakîye de çar îşxlakerî ameyî cezakerdene. Çalakîya gerîlayan ê Qilê Zendûra ya Metîna de zî îşxalkerêk ame cezakerdene.

Hemleya Şorişgêre ya Cengê Heftanînî

Çarçewa Hemleya Şorişgêre ya Cengê Heftanînî de 23ê nîsane de mintiqaya Koxê Mele Yehya yê warê Şehîd Kendalî de vera îşxalkeran di çalakîyî ameyî kerdene. Mewzîya çeka A4î ke ameyî hedefkerdene pîya bi çar îşxalkeranê ke tede bî ameyî îmhkerdene. Çalakîya diyîne de grûbêke îşxlakeran hedef ameye girewtene, hîrê îşxalkerî ameyî cezakerdene.

Bombarduman

Artêşa vera Herêmanê Pawitiş yê Medya hêrişê hewayî kerdî. Goreyê nayî;   26ê nîsane de dormeyê dewa Orê yê warê Şehîd Rûstemî yê Zapî, warê Tabûra Ereban û Kartalî,Şukê yê Avaşînî, 27ê nîsane de warê Werxelê yê Avaşînî û Qilê Şehîd Şahînî yê Zapî bi teyaranê şerî ameyî bombardumankerdene. Reyna Herêmanê Pawitişî yê Medya bimabên pê obus û hewanan yenê bombardumankerdene.''