Wexto ke merdim bala xo bido pratîkê serran ê peyênan ê PDKyî ser o vîneno ke bîyo aşiqê dişmenê xo. Tewr peyên dîmenanê medyaya komelkîye ser o ame dîyene ke pêşmergeyê ke verê îşxalkeran de yê, îşxalkeran rê rayîr akenê û rayîr kenê pak.  Başûrê Kurdîstanî de endamê MÎTî bi hawayêkê rehetî têgêrenî la verê erzaqê gerîlayan yeno girewtene.

Dewleta tirke hêrişê xoverdayîşê gerîlayan kena la selahîyetdarê Başûrî gerîlayan sûcdar kenê. Nika sînorê Başûrî de gerîlayî bi hawayêkê efsanewîyî xo ver danê. Mabênê nê gerîlayanê çêran de kesê sey Xalid Abdulrehman zî estê. Xalid dewa Kanî Mezinî ya Kanî Masî de şehîd bi.

Pêşmergeyê ke sey dezgeh û selahîyetdaranê dewleta tirke xebitîyenê şar erzenê zîndanan, bi fîşekan hêrişê şarî kenê. Her kes naye ra acîz bîyo. Bêguman xoverdayîş do dewam bikero û îşxalkerîye do ser nêkewa. Bi xoverdayîşê şar û gerîlayan faşîzm do birijîyo.