Gerîlaya Hêzanê Pawitişê Cinîyan ê Rojhelatê Kurdîstanî (HPJ) Arjîne Niştîman hêrişê îşxalî yê vera Herêmanê Pawitişî yê Medya, hemkarîya PDKyî û xoverdayîşê gerîlayan ANFyî rê ercnayî.

Niştîmane xoverdayîşê gerîlayan selam kerd û vat: ''Zap, Avaşîn, Metîna û Xakûrkê de xoverdayîşêko bêeman yeno kerdene, gerîlayî bi ruhê Apogîrî xo ver danê. Hetêkî ra hêrişê dewleta tirke, hetêkê bînî ra zî îxanetê PDKyî. Hemkarîya PDKyî ya bi dewleta tirke nêna qebulkerdene. Çunke no hînî îxanetî ra wetêr o. Nê hêrişî têna vera PKKyî nê vera pêro Kurdîstanî yê. Wa şarê ma ney hol bivîno.''

Arjîne Niştîman bale ante hêrişê serê Şingal û Rojawanî ser vat: ''Ganî ma tarîxî xo vîr a mekerê. Hêrişanê vera Şingal û Rojawanî de YPG û YPJyî heta peynî xo ver da. Reyna gerîlayan Şingal de têkoşînêko pîl kerd û dişmen bin kerd.

Sere de şarê Rojhelatê Kurdîstanî wa pêro şarê kurdî bi ruhê Kobanê û Efrînî wurzo payan ser û paştî bido xoverdayîşê gerîlayan. Şarê kurdî wa bizano ke xoverdayîşî ra ber rayîrêk çin o. Pêro ciwan û cinîyê kurdî wa tewrê nê têkoşînî bibê. Azadîya kurdan û Kurdîstanî têna bi nê hawayî mende bena.''