Gerîlayê Herêmanê Zap û Avaşînî seba ke bieşkê dişmenî bin bikerê her roje bi metodanê cîyayan çalakîyan kenê. 24ê gulane de roja 38. ya hêrişan de gerîlayan 'cîhazê pîlî' rê rewşa peyêne pare kerde. Gerîlayanê Warê Xoverdayîşî yê Şehîd Şahînî qisey kerdêne. Her kesî ê goşdarî kerdêne û notî girewtêne. Nê notî mojnenê ke gerîlayî hêrişanê bi çeka kîmyewîye, teqayîş û bombardumanan pûç kenê. Gerîlayê tunelê şerî bi hawayêkê geşî vanê ke heta serkewtişî ê do nêvinderê:

''Nameyê Xoverdayoxanê Warê Şehîd Şahînî ma embazanê ke Şikefta Birîndara, Kurojahro, Çiyareş, Werxelê û Hemleya Bazanê Zagrosî de destanan nusenê, selam kenê. Ma şarê xo yê welatperwerî zî selam kenê. Sey domananê nê lerî ma zaf deyndarê şarê xo yê. Ma soz danê ke şert û mercî se benê wa bibê, zor û zehmetî çi beno wa bibo ma do miheqeq serkewtişî dîyarîya şarê xo bikerê. Şarê ma layîqê serkewtişî yo.

Ma wayîrê Rayberê xo, wayîrê şarê xo, wayîrê şehîdanê xo yê. Çimeyê ma yê hêz, îrade û moralî pîl o. Hêzê ke Zap û Avaşîn de vera ma hêrişan kenê tirk nîyê, hêzê NATOyî yê. Seba ke ê gerîlayan ra tersenê bi keşif, drone, mobese, sîstemê alarmî, sensor û radarî dormeyê ma girewtê. Heman wextî de tunelanê şerî de zî teqayîşanê pîlan kenê û çeka kîmyewîye şuxilnenê. Kamera û feneranê bi sereyê heywanan (bi taybetî kutikan) nînan şawenê tunelanê şerî. Tunelanê şerî de înan zaf kiişteyî dayî. Nêeşkenê cenazayanê xo berê coka kendalan ra erzenê war. Tunelanê şerî de sere de çeka kîmyewî û gazê jehrînî pêro metodan şuxilnenê. Xora gerîlayî vera nînan tedbîranê xo gênê.

Ma vera pêro hêrişan xo ver danê. Dişmenî tîya de çend reyî gazê kîmyewî şuxilnayî. Rengareng o. Sey belge zî dîmenî destê ma de yê. Wexto ke embazî şinê yenê nê gazî zeliqîyenê înan ro. Ma zî goreyê îmkananê xo tedbîranê xo gênê. Ma zanenê ke ameyoxê azadî de Rayberê ma û şarê ma pabeyê ma yê. Na rewşe seba ma pêro zor û zehmetîyan wedarnena. Ma selamê embazan gênê û wazenê vajê ke na rewşe coş û moralêkê pîlî dana ma.

Ma do reyna xîret bikerê cewab bidê hîs û selamanê embazanê xo. Ma reyna vanê ke serkewteyê nê şerî nika ra eşkera yo; gerîlayî. Rayberîye û partîya ma her wextî ra zêdêr nêzdîyê ma, mezgê ma de yê. Ma bi hêzê Rayberê xo tewrê şerî benê. Ma nika ra serkewtişê gerîlayan Rayberê xo, şarê xo û embazanê xo rê fîraz kenê.''

Gerîlayê ke dormeyê cîhazî de xoverdayoxanê Şehîd Şahînî goşdarî kenê, vanê 'Ma do wayîrê her vateyê embazan vejîyê.'

Dima zî gerîlayê dormeyê cîhazî bi tîlîlîyan selam kenê. Gerîlayî bi qerardarîyêka pîle mojnenê ke ê do operasyonanê Hemleya Bazanê Zagrosî rê dewam bikerê.