Xoverdayoxê xoîdarekerdişî yê Cizîre serrgêra 5. ya xoverdayîşî de Kampa Şehîd Rûstem Cûdîyî (Mexmûr) de ameyî yadkerdene. Koma 5. ya grevê vêşanîye ya Mexmûrî bi wesîleya serrgêre eşkerayîyêke daye. Eşkerayîye de şexsê Hemserekanê Meclîsê Şarî yê Cizîre Mehmet Tunç û Asya Yuksel de pêro şehîdî ameyî yadkerdene.

Eşkerayîye de Hemleya 'Wext wextê azadîye' ameye nîşankerdene û grevê vêşanîye yê tepişteyanê PKK û PAJKî rê selam ame dayene.

Çalakîkeran eşkerayîye de vat ke ê tecrîdê vera Rayberê Şarê Kurdî Abdullah Ocalanî qebul nêkenê û seba azadîya ey têkoşîn kenê.