Derheqê rewşa peyêne û hêrişanê vera Şingalî de Îdarekarê qezaya Sinûnî ya Şingalî Xwedêda Çûkêyî ajansê ma rê qisey kerd.

Çûkêyî vist vîrî ke nê hêrişî seba caardişê Peymana 9ê Teşrîna Verêne yenê kerdene û vat: ''Hedefê hêrişan têna YBŞ nîyo pêro êzidî yê. Artêşa Iraqî çarçewa Peymana 9ê Teşrîna Verêne de hêrişê Sinûnû Dugirî kerd. Kazimî seba ke sûnîyan û PDKyî ra paştî bigêro wextê awankerdişê hukmatê neweyî de Şingal de alozîye vete ke peymane bêra caardene. Nê hêzî wazenê Şingalî bivurnê sey verî.

Hukmatê Kazimîyî wazeno pêro destkewteyanê êzidîyan çin bikero. Eke êzidîyî bêçek bimanê vera şarê sey wextê hêrişanê DAÎŞî ma tehlukeyêko pîl virazîyeno. Ganî verê alozî û provakasyonan bêro girewtene û rayîr nêro dayene ke Peymana 9ê Teşrîna Verêne bêra caardene. Ganî pêro êzidîyê ke kampanê PDKyî de manenê abigêrê Şingalî. Ganî hukmatê Iraq û Başûrî verê şarê ma de erkê xo bîyarê ca û mesuldarê dermanî ceza bikerê.''