Fermandarîya Pêroyî ya YBŞyî derheqê hêrişanê hêzanê çekdaran ê Iraqî de eşkerayîyêke daye û îfade kerd ke hêrişê hukmatê Kazimîyî bi fermanê dewleta tirke ya îşxalkere û bi propagandaya PDKyî û Fermandarîya Operasyonê Mûsilî ame kerdene. 

YBŞyî vat: ''Ma reyna vanê ke 'meseleya Şingalî leşkerî nê, sîyasî ya.' Nê xîretê hukmatê Kazimiyî verê îşxalê Şingalî akenê. Ganî şarê ma yê Iraqî vera nê xîretan hişyar bibo û wayîrê tewirî bibo. Wextêkî ra nata hukmatê Kazimiyî herişê şarê ma û hêzanê ma keno. Ma bi gonîserdinî nêzdîyê hêrişan benê û rayîrî nêdanê rewşêka bîne biqewimîya.

Wextê hêrişê 17ê nîsane yê hukmatê Kazimiyî de ma xîret kerd ke meseleyan bi çareser bikerê. La heman şewe artêşa Iraqî hêrişê cayanê ma kerd û waşt ke ma tasfîye bikera. Tîya de î seba ke serebût pîl nêbo ma kewtî dewre. Vera hêrişî ma neçare mendî ke xo û şarê xo bipawê. La artêşa Iraqî reyna nêvinderte û reyna bi giranî hêrişê ma û şarê sivîlî kerd.

Hukmatê Kazimiyî dewleta tirke û PDKyî ra hêz gêno û fermanê înan ano ca. Ma reyna vanê ke 'Meseleya Şingalî leşkerî nê sîyasî ya.' Nê xîretê hukmatî verê îşxalê Iraqî akenê. Ganî şarê ma yê Iraqî vera nê xîretan hişyar bibo û wayîrê tewirêkî bibo. Bêçek verdayîşê êzidîyan û çinkerdişê hêzanê înan senaryoya 2014î dibare kenê. No zî rewşêka tehlukeyîn a. Komelê êzidîyan tarîx de raştê zaf fermanan ameyî. Çunke ma wayîrê hêzê xopawitişî nêbîyî. Seba ke ma reyna bêpawitiş nêmanê nê kerdişî qetî do qebul mekerê.

Netîceya hêrişan de wird terefî zî leşkerê xo vînî kerdî. Embazêkê ma şehîd bi û 3 embazê ma birîndar bîyî ke nînan ra yew zî sivîl bi. Ma xo rê esas kenê ke meseleyan bi rayîrê dîyalogan çareser bikerê. Ma vera artêşa Iraqî nîyê ma vera sîyasetê çinkerdişî yê. Netîceya ci se bena wa biba ma do oxirê pawitişê destkewteyanê xo de çi hewce yo bikerê û apey gamêke nêerzê. Nê esasî ser o ganî şarê ma zî hetê hêzê xo de xoverdayîşî xurt bikero û têkoşînî berz bikero. Ganî şarê ma rayîr medo serkewtişê plan û komployan.''