Yewinanê Xoverdayîşê Şingalî (YBŞ) derheqê hêrişanê vera Şingalî de eşkerayîye daye û nê pare kerdî:

''Serrgêra qirkerdişê 3ê tebaxa 2014î de qirkerdişê dewleta tir yê vera dewanê Tilezêr, Sîba û Koço de ke şehîdî ameyêne yadkerdene, bi teyarayanê SÎHA hêrişê ma kerd la ne hêrişê 23ê tebaxa 2020î ra ne zî hêrişê 25ê tabaxa 2020î ra netîce bigêra.

No mojneno ke dewleta tirke vera warê ma yê Şingalî konseptêko newe da destpêkerdene.Dewleta tirke, MÎT û hemkarê ci armanc kena ke planê 3ê tebaxa 2014î newe ra bivisnê dewre. Nê wird hêrişan de ke rojanê peyênan de ameyî kerdene, şarê ma yo sivîl ame hedefkerdene. Ma do nê hêrişan pûç bikerê. Heta ke şarê ma bireso azadîya xo ma do têkoşînê xo dewam bikerê.

Nê prosesê peyênî de Serekê Hukmatê Başûrê Kurdîstanî Nêçîrvan Barzanîyî eşkerayîyêka xo de vatbi ke 'Şingal fermî nîyo.' Hêzê YBŞ û YJŞyî goreyê qanûnê Iraqî hêzê fermî yê. Êyê ke hêzê qanûnî nîyê hêzê ke vatişê Nêçîrvan Barzanîyî, dewleta tirke û MÎTî ardî. Îşxalkeran Başûr de bi desan bergehî awan kerdî. Oyo ke hêzê îşxalkerî ardî Başûr bi xo Nêçîrvan Barzanî yo. Hêrişanê dewleta tirke de xeylêk sivîlê ma ameyî qetilkerdene, dewê şarê ma ameyî talankerdene.  Ganî ciwan û şarê ma baş bizanê ke eşkerayîyê winasênî yê Nêçîrvan Barzanîyî xizmetê kamî kenê û têkoşînê ma de ca bigêrê. Ma naye ra venga şarê xo kenê. Êyê ke Pawitişî rê hemkarîye kenê wa naye ra fek vera bidê. Kesê ke MÎT û Pawitişî rê hemkarîye kenê bêbext ê. Êyê ke agêrenê Şingalî wa têkoşînê azadîye de ca bigêrê, paştî bidê YBŞ û YJŞyî. Ganî bêro zanayene ke hêrişê vera YBŞyî hêrişê vera Êzidîtî û Êzidxanî yê.

Nê hêzê dişmenî wazenê armancê DAÎŞî yo ke nêmcet mend, temam bikerê. Dewleta tirke, MÎT û Pawitiş kenê ke sey yê Efrînî demografîya Şingalî zî bivurnê. Seba ke Şingal nêbo sey Efrîn bêbextîye ra fek vera bidê. Dewleta tirke tim waşt şar, erd, bawerî, kultur û ziwanê ma çin bikera, hemkarê ci mebê. Wa kes tarîx û nasnameyê xo, xo vîrî ra nêkero. Ma do hesabê nê hêrişan teqez do bipersê.''