Fermandarîya Pêroyî ya Yewîyanê Xoverdayîşê Şingalî (YBŞ) derheqê hêrişê çeteyanê HTŞyî yê vera Helebî eşkerayîye daye û vat ganî hem YBŞ û hem zî şar vera heme tehlukeyan hazir bo.

Eşkerayîye de wina ame vatene: ''Seke yeno zanayene xeylê wext o herême de şero gird û pêkewtişî est ê û na rewşe çend şina hîra bena. Bitaybetî qewimîyayîşê Sûrîye mojnenê ke no şer do rehet rehet meqedîyo.

Bêşik no şer ma, şarê ma nizdî ra eleqedar keno. Çîyê ke ewro Heleb de benê kerdişanê 2014î anê vîrî. Ma sey hêzanê pawitişî û şarî ganî rewşa xo lezabez bigîrê dest û vera heme tehlukeyan hazir bê. 2014 de seba ke ma vat ê bînî ma pawenê ma qirkerdişî rê rî bi rî mendê. La hinî ma wayîrê tecrubeyî yê. No tecrube ma rehet nêfîna dest. Fermano gird qewimîya.

Dewleta tirke dişmenê heme şaran a. Bitaybetî dişmenê komelê êzidîyan a. Dewleta tirke bi çeteyanê xo wazenê şerî xorîyêr bikero. Xora çimê dewleta tirke herra me de yo. Na çarçewa de şarê ma ganî hîsgêr vera tehlukeyan hazir bo. Ma veng danê hêzanê bînan ê êzidîyan ke wa nê helanê tarîxîyan ferq bikerî û wa bêrê ma pêro pîya herre û anorê xo bipawê.

Reyna ma veng danê ciwananê xo ke wa tewrê refanê YBŞ û YJŞyî bibê. Ma hazirê ke her vinceyê hera Şingal û Iraqî bipawê û semedê nê hêzê ma zî es to.''