3yê tebaxa 2014î de cerganê DAÎŞî hêrişê Şingalî kerdbî û xeylêk êzidîyî qetil kerdbî. Serrgêra 9. ya Fermanê 3yê Tebaxa 2014î de YBŞ, YJŞ û Asayîşê Êzidxanî pîya Şehîdgehanê Şehîd Dilgeş û Şehîd Berxwedanî de merasîmê yadkerdişî serûber kerd.

Merasîm de şehîdî ameyî yadkerdene û venga pêro kurdan dîya ke vera plan û hêrişanê serê êzidîyan bi yewî û rêxistinî têkoşîn bikerê.

Kurtay Şengalîyî nameyê YBŞ û YJŞyî ser o qisey kerd û vat: ''Tebaxe seba êzidîyan mengêka reş a. Çunke dişmen û îşxalkeran tebaxe de şarê ma qetil kerd. Înan bi hezaran merdimê ma qetil kerdî. Kesanê wayîrwijdanan ra ber çewî zî halê ma pers nêkerd. Teyna fedayîyê Rayber Apoyî resayî hewarê ma, înan şarê ma pawit. Fermandaranê şehîdan ê sey Berxweda, Egîd, Saîd, Hamît û Zerdeştî şarê ma fermanî ra pawit. Înanê ke no ferman ard sereyê ma seba menfaetanê xo şarê xo rê îxanet kerd. Coka ganî ma yar û neyarî hol bizanê.

Ma pê şehîdanê xo sereberz ê. Şarê ma wa pê hêz û îradeyê xo bawer bikero. YBŞ, YJŞ û Asayîşê Êzidxanî pê gonîya şehîdan û keda Rayber Apoyî ameyî ronayene.''

Merasîmê yadkerdişî pê sloganan qedîya.