Fermandarîya Pêroyî ya YBŞyî bi wesîleya serrgêra 9ine ya azadkerdişê Şingalî eşkerayîyêke daye.

Eşkerayîye de ame vatene ke şarê êzidîyan seba ke rêxistinkerde nêbi û hêzê ci yê xopawitişî çin bibi raştê qirkerdişan ameyo. YBŞyî vat: ''Naye ra 3yê tebaxa 2014î de bi îxanetê PDKyî DAÎŞî Şingal de qirkerdişêko pîl kerd. Ma çarçewa paradîgmaya Rayber Apoyî de YBŞ û YJŞ nayî ro û bi dezgehanê Îdareyê Xoserî qedînayîşê fermanan armanc kerd. La hema zî hêrişê dewleta tirke ya qirkere bi hemkarîya PDKyî vera Şingalî dewam kenê. 

Şarê êzidîyan o ke bi fikranê Rayber Apoyî azad bîyo û Şingal azad kerdo, vera hêrişan têkoşîn û xoverdayîşê xo rê dewam keno. Ma do qetî şehîdanê xo, xo vîr a nêkerê. Ma pêro şehîdanê xo bi minet û rêzî yad kenê. Ma venga pêro şarê ma û şaranê herême danê ke vera plananê gemarinan yew bibê û tewirê xo bimojnê.

Ma do rêçê qehremananê xo yê fedayîyan de xoverdayîşî rê dewam bikerê û têkoşînê xo bi serfîrazî tacîdar bikerê. Ma soz danê ke têkoşînê şehîdanê xo yê qehremanan ser bivisnê.''