Gerîlayanê HPG û YJA-Starî 20ê teşrîna peyêne de Herêma Şehîd Delîlî ya Rojawanê Zap de, hîrê noqtayanê Warê Xoverdayîşî yê Girê Amedîyê de vera artêşa tirke ya îşxalkere Operasyono Şorişgêr kerdbi.

Merkezê Îrtîbatî û Çapemenîye yê HPGyî dabi zanayene ke operasyon de tewr tay 49 îşxalkerî ameyê cezakerdene.

Gerîla TVyî dîmenê Koma Girê Şehîd Pîrdoganî ya Operasyonê Şorişgêrî weşanayî. Dîmenan de aseno ke gerîlayê ke amadekarîya operasyonî kenê mesajê xo danê.

Mesaj de gerîlayî wina vanê: ''Embazê ma bi coşî û ezmê qesasî amadekarîya xo kenê. Ma do şorê Girê Şehîd Pîrdoganî. Ma seba ke dişmenî apey bierşawê destê ma ra çi bêro bikerê. Ma do bê teredutî şorê dişmenî ser.''

Dîmenan de aseno ke gerîlayî embazanê xo ra xatir wazenê, pê slogan û çepikan verê xo danê Girê Şehîd Pîrdoganî.

Gerîlayî visnenê vîrî ke ê dekewtê serrgêra ronîyayîşê PKKyî û vanê ''Ma do bi nê ruhî şer bikerê û ser bikewê. Ma ney dişmen do şorê.''