Taxa Sanayî ya qezaya Xêlatî ya Bedlîsî de wesayîto leşkerî yo ke  Fermandarê Artêşa 3. ya Erziromî tede bi, da domanêkî ro. Domanê bi nameyê Eyup Kirtayî (10) dinyaya xo bedilnaye.

Ewro Milazgir de atktîvîteyê ''pîrozkerdişê serkewtişî''estbî. Wesayîto leşkerî yo ke Fermandarê Artêşa 3. ya Erziromî tede bi, gama ke Milazgirî ra agêrayêne û zaf lez şiyênî da Domanê bi nameyê Eyup Kirtayî (10) ro. Kirtayî ke sayê ke dare ra rişîyayî arêdayene pê pirodayîşê wesayîtî bi metreyan rayîr de ame kaşkerdene. Apê Kirtayî semedê vindarnayîşê wesayîtî aliqiya peynîya wesayîtî. Rixmê nayî wesayît nêvindert û apê  Kirtayî heta Fermandarîya Cendirmeyan a Xêlatî berd.  Eyup Kirtayo ke dima ra ame berdene nêweşxane dinyaya xo bedilnaye.