Wesayîtê leşkerîyê ke Kurdîstan de tim benê sebebê mergê şarî reyna hemwelatîyêk eciqna. Taxa Dere ya qezaya Gêlî ya Amedî de wesayîtê leşkerî yê tirkî da Şukru Gunayo 70 serreyî  ro.

Gunayo ke merkezê Gêlî ra şîyêne dewa Kazanli nêtîceya pirodayîşê wesayîtê zirxînî de bi giranîye birîndar bi. Gunayo ke ame berdene Nêweşxaneyê Dewlete yê Gêlî tîya ra sewqê Nêweşxaneyê Cigêrayîş û Perwerdeyî yê Gazî Yaşargîlî bi. Dîya zanayene ke tehlukeyê cuyeyî yê Gunayî esto.