Merkezê Îrtîbatî û Çapemenîye yê HPGyî derheqê pêkewtişan de eşkerayîye daye û nê pare kerdî: ''Artêşa tirke ya îşxalkera ke vera herêmanê Zap û Avaşînî hêrişê îşxalî da destpêkerdene hêzanê ma ra derbeyanê pîlan wena. Çalakîyan de 13 îşxalkerî ameyî kiştene, 4 îşxalkerî birîndar bîyî, helîkopterêk ame derbkerdene û mewzîyêke û hacetêka goştarîkerdişî ameyî îmhakerdene. Detayê çalakîyan wina yê;

Avaşîn

 26ê nîsane de Warê Xoverdayîşî yê Werxelê de îşxalkerî hetê hêzanê ma yê YJA Starî ra pê çekanê giranan ameyî pirodayene. Netîceya pirodayîşanê bitesîran de 8 îşxalkerî ameyî cezakerdene û 2 îşxalkerî ameyî cezakerdene. 27 nîsane de îşxalkerê ke eynî warî de dormeyê mewzîyanê şerî de waşt xo ca bikerê reyna hetê YJA Starî ra di hetan ra bi çalakîya bikoordîne ameyî pirodayene. Netîceya çalakîye de 4 îşxalkerî ameyî cezakerdene û yew mewzî û hacetêka goştarîkerdişî ameyî îmhakerdene. Eynî roje  Warê Xoverdayîşî yê Werxelê de îşxalkerî bi çekanê giranan ameyî pirodayene û helîkopterêk ame derbkerdene.

 Zap

26ê nîsane de helîkopteranê ke waşt Warê Xoverdayîşî yê Kurojaroyî bombarduman bikerî hetê hêzanê ma ra ameyî pirodayene, ê mecbûr mendî peyser agêrê. 17ê nîsane de eynî war de dormeyê mewzîyanê şerî yê Kevirêkunî de îşxalkerî ameyî pirodayene, îşxalkerêk ame cezakerdene û îşxalkerêk zî birîndar bi.Eynî roje çalakîya Warê Xoverdayîşî yê Kurojahroyî de îşxalkerêk birîndar bi. Reyna Warê Xoverdayîşî yê Werxelê, Girê Gûbar, Girê Şehîd Kendal , Girê Cûdî ameyî bombardumankerdene, badê mudaxaleyê hêzanê ma helîkopterî herême ra kewtî dûrî.

 Xakurkê

27ê nîsane de Girê Şehîd Şahan û Girê Şehîd Axîne de îşxalkerî hetê hêzanê ma YJA Starî ra bi hewayêkê hemwaxtî ameyî pirodayene. Wird çalakîyan de zî hedefê ke ameyî bewlîkerdene biîsabet ameyî pirodayene.

Bombardumanî

27ê nîsane de Girê Zengîlî yê herêma Garê pê teyarayanê şerî, Girê Hakkarî yê herêma Metîna û Girê Amedîye, Çemço, Şehîd Şemdîn, Kurojahro, Saca, Şikefta Birîndara, Girê Şehîd Cûdî, Girê Ortê û Karkerî yê herêma Zapî hetê qereqolanê sînorî ra pê obusan, helîkopteranê hêrişî û teyarayanê şerî ameyî bombardumankerdene.''