Merkezê Çapemenîye yê YJA-Starî Esma Avşar (Jîyane Amargî)a ke 20ê hezîrane de Herekol de şehîd bîya bi eşkerayîyêka nuştekîye yad kerde.

Eşkerayîye wina ya:

''Embaze Jîyane Amargî warê Botanî de çar serran xebatê çapemenîye kerdêne, cuya gerîlayan û têkoşînê gerîlayan pê detayan resnayêne ma û bi nê hawayî tarîxê çapemenîya azade mîyanî de ca girewtêne. Ma şexsê embaze Jîyane de pêro şehîdanê têkoşînî û şehîdanê çapemenîye bi rêzdarî yad kenê. Ma keyeyê şehîda xo rê serweşîye wazenê. Ma soz danê şarê xo û keyeyanê şehîdan ke şehîdanê xo mîyanê têkoşînê xo de bidê ciwîyayene û tarîxî rê verdê.

Şehîdê ma pê şehadetê xo zî ma rê benê çimeyê îlhamî. Ma zanenê ke deyndarê înan ê coka ma zanenê ke seba ney xebat û têkoşînê xo bizêdînê. Şehîdanê ma yê çapemenîye seba raştîyan ganê xo feda kerdî, ge dûyê barutî boye kerde ge zî kameraya xo verdaye dest eşt çeke. Şehîdê ma yê çapemenîye bîyê wijdanê şarê ma. Seba ke raştîyî şarî ra nêrê mîyankerdene înan xo eşt verî. Şehîdê çapemenîya azade şerwanê cigêrayîşê raştîye yê. Halîl Dag, Arjîne Amed, Sarya Onur, Ekîne Turkler, Jîyan Amargî şerwanê tewr çêrî yê raştîye bîyî. Erkê ma yo ke ma wayîrê mîrasê înan ê têkoşînî vejîyê. Xeyalê Jîyane yo tewr pîl no bi ke aye waştêne biba 'fotografkêşa helanê şorişî.' Xeyalê ci ma rê ferman o û ma soz danê ke bibê fotorafkêşê helanê şorişî û xeyalanê embazanê xo bîyarê ca.

Şehîdê ma yê çapemenîye bîyî çim, goş û ziwanê tarîxê ma yê têkoşînî. Înan têna şer belge nêkerd heman wextî de ê bîyî îsbatê cuya azade. Embaze Jîyane Amargî rayîrê Botanî de tewr peyên vat: 'Ez do qetî kameraya xo war nêverda.' Embaze Jîyane bi nê hawayî mîyanê şehîdanê ma yê fedakar, çêr û jîhatan de cayê xo girewt.

Embaze Jîyane bi erjanê welatperweran bîye pîle, kesayetê xo pê nê erjan aver berd û bîye wayîra kesayetêkê zixmî. Embaze Jîyane pê xoverdayîşê xo yê vera zehmetîyan û moralê xo ma rê bîye çimeyêkê hêzî. Têkoşînê ma bi kedanê aye hîna bi pîl, tewirê ci yê xoverdayoxî mîsyonêk girewt xo milî.

Embaze Jîyane nêwaşt vera hêrişanê faşîstan ê dewleta tirke bêveng bimana coka seba ke biba çim, goş û fekê şarê xo zanîngeh de rojnamegerîye wende. A dima pê hesîyaye ke zanîngehî dafika asîmîlasyonî yê coka verê xo da koyan û koyan de rojnamegerîye kerde. Embaze Amargî xo resna pêro waranê gerîlayan û xo rê esas kerd ke rayîrê Halîl Dag, Arjîne Amed, Sarya Onur, Ekîne Turkleran ra şora. A nê rayîrî de bêters şîye.

Serkewtişê embaze Jîyan ma rê nîsbet o. Embaze Jîyane patîkayê tengî kerdî hîra û ma rê bîye krîterê serkêşîye. Senî ke a rayîrê Gurbetellîyan de şîya ma zî do serkêşîya aye de bibê kamera û qelema aye.

serkêşîye. Senî ke a rayîrê Gurbetellîyan de şîya ma zî do serkêşîya aye de bibê kamera û qelema aye. Embaze Jîyane hetêkî ra bîye rî û wijdanê kıyan hetêkî ra kedêka pîle daye viraştişê vîrê têkoşînê azadîye. Ma xo rê esas gênê ke bibê xabetêka layîqê embaze Amargî bikerê û fotografkêşê helanê serfîrazîye ma bibê.

Embaze Jîyane Amargî çar serran Botan de hem gerîlayî qeyd kerdî hem zî verar şîya koyanê Botanî. Ma anê ziwan ke qerardar ê ke alaya xoverdayîşê aye biresnê serfîrazîye. Ma reyna soz danê ke ma do bibê fotografkêşê helanê serfîrazîye. Kameraya embaze Jînaye qetî nêra qefilnayene û tim qeydê tarîxê azadî bikera.''