Koordînasyono Pêroyî yê YPS'yî derheqê hêrişanê îşxalkarîye yê dewleta Tirkî verba Rojawanî eşkerayîyêka nuştekîye weşanaye.

Eşkerayîya YPS'yî wina ya:

"Hukmatê Tirkî yo faşîstî nêeşkeno destkewteyo qijkek ê Kurdî ra tehamul biko. Hêzê mîyanneteweyî zî paşt danê hukmatê Tirkî, pîya plan viraşt û vist dewre. Seba pawitişê şarê estbîyayîşî yê şarê ma xopawitişî ra ber çareyêk çin a. Ma sey şervanê YPS'yî verba hêrişê Rojawanî ma do asta tewr berze de şarê xopawitişî bikê. Ma do şaristananê Vakurê Kurdistanî û metropolanê Tirkîya bivurnê bikê wareyanê şerî. Eke Kurdistan vêşeno, wa Tirkîya zî bivêşo. Roje roja xoverdayîşî ya. Eke ewro ma xo ver nêdê rojêka bîne xoverdayîş nêbo. Seba pawitişê nasnameyê xo ciwan û cinîyî hemê şarê Kurdistanî wa pêro pîya wurzê payan ser. Serê sînorê Rojawanî de şer seyr mekê. Cizîrî ra heta Nisêbîn, Qoserî ra heta Wêranşerî, Serêkanîye ra heta Pirsûsî ganî her ca bibo cayê serewedaritişî. Ganî her keye, kuçe, tax bibê cayê xoverdayîşî."