Mesajê YPSyî wina yo:

"Serrgêra ronayîşî ya 4. ya Koordînasyonê YPSyî yo ke bi xoverdayîşê xoîdarekerdişî yê Cizîr, Sûr, Şirnex, Nisêbîn, Sêrt, Riha, Farqîn, Varto, Silopî, Derîk, Wan, Stewre, Kerboran, Şemzînan, Sîlvan û Hezexî ame meydan sere de Rayber Apo rê pêro şarê ma rê fîraz biba.

Ma serrgêra 4. ya xoverdayîşê xoîdarekerdişî de pêro şehîdî bi hurmet û rêzî yad kenê û ma soz danê ke ma do xeyal û armancê înan bîyarê ca.

Xoverdayîşê xoîdarekerdişî ewro hîna zêde yeno famkerdene ke vera îqtîdarê faşîstî yê AKP-MHPyî bi hawayêkê tarîxî ame kerdene. Ewro xoverdayîşê xoîdarekerdişî şexsê fermandaran Çîyager, Zeryan, Mehmet tunç, Xebat, Sêvê, Îslam, Çekoyan de bi têkoşînê cinîyan, ciwanan û camêrdan dewam keno.

Xoverdayîşê xoîdarekerdişî Cizîr, Sûr û Silopî de dest pêkerd û pêro Vakurê Kurdîstan de bîyî têkoşînêkê destanî. 

Ma bi qerardarîya dewamkerdişê xoverdayîş û têkoşînî kewtî serra 5. ya ronayîşê YPSyî. Bi na wesîla ma reyna serrgêra ronayîşî ya 4. ya YPSyî ya şarê xo fîraz kenê û pêro şehîdanê xoverdayîşê xoîdarekerdişî bi mînet û rêzdarî yad kenê. Ma soz danê ke ma do bi ruhê fedayî yê fermandaranê xo rayîrê Kurdîstanê Azadî û Rayberê Azadî de şerê xo yê xoverdayîşî berz bikerê."