Koordînasyonê YPS û YPS-JIN bi wesîleya serrgêra 39. ya Hemleya 15ê Tebaxe eşkerayîye daye.

Eşkerayîya Koordînasyonê YPS û YPS-JIN bi kilmî wina ya:

''Hemleya 15ê Tebaxe vera teda û hêrişanê faşîzmî temsîlkarîya cuya azade kena. Têkoşînê nê 39 serran teyna vera dewleta tirke ney vera sîstemê dinya yeno kerdene. Hemleya 15ê Tebaxe îfadeyê azadîye yo ke bingeyê pawitişê cewherî de vejîyayo werte. Şarê kurdî vera faşîzmî pawitişê xo yo cewherî awan kerdo û stratejîya şerê şar û gerîlayan ê vera faşîzmî dîyare kerda.

Şarê kurdî û gerîlayî mîyanê şerêkê pîlî de yê. Dişmen seba çinkerdişê têkoşînî pêro îmkananê xo seferber keno. Bi metodanê şerî yê gemarinan, hêrişê gerîlayanê azadîye keno, wazeno ke pêro kurdan qir bikero û xozaya Kurdîstanî zî çin bikero. Dewleta tirke armanc kena ke azadîya Rayber Apoyî û sîstemê Modernîteya Demokratîke asteng bikero. Xoverdayîşê Xoîdarekerdişî de şerwanan binê fermandarîya Çîyager û Zeryanan de xeta Fermandar Egîdî de dişmen de sendromêk viraşt. Coka têkoşînê azadîye têkoşînêko winayên o ke şar û gerîlayî pîya kenê.

Nê esasî ser o ma Hemleya 15ê Tebaxe bi coşêkê pîlî pêşwazî kenê, azadîya Rayberîye kenê armancê têkoşînê xo. Ma do vera rejîmê faşîzanî têkoşînêkê bêmabênî bikerê.''