Koordînasyonê Yewîya Îrtîbatî ya Demokratîke (YRD) derheqê şehadetê Rosîda Mêrdîn de eşkerayîyêke daye. Eşkerayîye wina ya:

''Embaza ma Rosîda Mêrdîn, embaz Mazlûm Dogan û Berxwedan Qamişlo sey xelêka tewr rinde bîyî qehremanê raştikênî. Ma nê şehîdanê xo bi hûrmet, heskeridş û minetî yad kenê. Ma soz danê ke wayîrê vîrameyîşê nînan vejîyê û armancanê nînan bîyarê ca.

Embaze Rosîda têkoşînê ma yê azadîye de seba ke cinîyî bibê wayîrê nasnameyê ajîtasyonî-propaganda bi rolêkê tesîrî têgêraye. Embaze Rosîda xorinîya xo ya îdeolojîke û qerardarîya xo pratîk de mojnaye. Bi milîtanî, nuştoxî, rojnamegerî û muxabîrîya xo bîye sembole û tewra karwanê şehîdanê ma yê çapemenîye bîye.

Embaze Rosîda vera artêşa medya ya sîstemê serdestîya camêrdan, vera ziwan û mezgê feodalî seba xurtkerdişê karanê çapemenîya cinîyan kedêka pîle daye. A hem warê çapemenî-weşanîye de xebitîyaye hem zî seba azadîya şarê xo şer kerd. Aye xeylêk embazê ma weye kerdî. Aye bi cu, moral û cidîyetê xo mojna embazanê ma ra ke ganî ma senî biciwîyê û bixebitê.

Aye mîyanê pêro şert û mercanê giranan de zî karê çapemenîye kerdî û bîye temsîlkarêka rûmetêne ya tradîsyonê çapemenîya azade. Ma embaze Rosîda ancî bi heskerdiş, hûrmet û minetî yad kenê.

Gûrbetelliyan ra heta Selçûkan, Halîl Dagan ra heta Seyît Evranan ma do fedakarîya şehîdanê xo bikerê mîsal û ala têkoşînê nînan berz bikerê.''