Merkezê Îrtîbatî û Çapemenîye yê Yewinanê Pawitişê Rojhelatê Kurdîstanî (YRK) da zanayene ke hêrişê dewleta tirke yê 2yê êlule de herêma Pêncewînî de gerîlayê înan Berxwedan Çîyager şehîd bîyo.

YRKyî vat: ''Dewleta tirke bêmabên hêrişê gerîlayan, serkêşan û cografyaya Kurdîstanî kena. Çend rojî verî ma dabi eşnawitene ke hêrişanê Asosî de zerarê canî nêqewimîyayo. La 2yê êlule de embazê ma wexto ke erkê xo ser de bîyê ameyî hedefkerdene û embazê ma Berxwedan Amed şehîd bi.

Nasnameyê embazê ma wina yo:

Name û Peyname: Mazlûm Ozturk

Nameyê Qodî: Berxwedan Çiyager

Tarîx û Cayê Bîyayîşî: 1997-Amed

Tarîx û Cayê Tewrbîyayîşî: Çeleyê 2023yî-Fransa

Tarîx û Cayê Şehadetî: 2yê êlula 2023yî Pêncewîn

Embazê ma Berxwedan keyeyêkê amedijî de dadîya xo ra beno û Îstanbul de beno pîl. Netîceya tedayanê dewleta tirke de o neçare maneno ke derbazê Fransa bibo. Qetilkerdişê embaze Evîne Goyî ra dima embaz Berxwedan tewrê gerîlayan beno. Ma sere de keyeyê ey rê, pêro şarê ma yê welatperwerî rê serweşîye wazenê. Ma soz danê ke qesasê pêro şehîdan bigêrê.''