Merkezê Îrtîbat û Çapemenîye yê Yewîyanê Pawitişî yê Rojhelatî (YRK)  da eşnawitene ke hêrişê dewlata tirke yê  28ê temmuze de yo ke pê droneyanê çekdaran vera qezaya Pêncewînî ya Silêmanî ame kerdene, 2 gerîlayê YRKyî şehîd bîyî.

YRKyî vat 28ê temmuze de gama ke  embazê înan wesayîtêk de sinorê dewa Çumarta ya qezaya Pêncewînî ya Silêmenî de rayîr de bê, raştê hêrişî ameyî, 2 embazê înan şehîd bîyî û 2yê înan zî birîndar bîyî.

Şîlan Zagros bi nameyê bînî  Hediya Gerdene  bajarê Bana yê Rojhelatê Kurdîstanî û Zagros Zirêbar bi nameyê bînî Amanç (Rêkeft) Şerîfî Pêncewînê Başûrê Kurdîstanî ra tewrê refanê gerîlayan bîyî.

Eşkerayîye de ame vatene ke embazê înan ke şehîd bîyî,  wird zî bi qerardarîye û fedakarîya pîle tewrê gerîlayan bîyî û şerê azadîye de bi ruhê Apoyî şer kerd.

YRKyî şehîdî yad kerdî, keyeyanê şehîd Zagros Zirêbar û Şîlane Zagros û heme şarê şarê kurdî rê serweşîye waşte û soz da ke do qesasê şehîdan bîgêrê.