Wekîla Parlamentoya Iraqî Yûsra Recep Şingal de  heyetê Iraqî reyde TAJÊ û xeyma çalakîye ya vera Peymana  Bexdad-Hewlêrî zîyaret kerdî.Şarê Şingalî fikr û waştişê xo ardî ziwan.

Yûsra Recep derheqê zîyaretanê xo de ANFyî rê qisey kerd.

Yûsra Recep da zanayene ke Parlamentoya Iraqî xeyma çalakîye zîyaret nêkerde û goş nêda waştişanê şingalijan. Yûsra Recep vat: ''Waştişê şingalijan meşrû yê. Şingalijî wazenê hezê ke Şingalî ra remayî wa anêgêrê. Şar wazeno wa Şingal bibo wayîrê statuyî î xoserîya demokratîke. Nê waştişî goreyê qanûnanê Iraqî yê zî. Ez zî paştî dana waştişanê şingalijan. Heqê înan esto ke bibê wayîrê hêzanê xo.''

Yûsra ard ziwan ke ganî Iraq bdçe bido Şingalî û vat: ''Semedo ke hêzê teberî Iraq de serdest mebê ganî ma zêdêr qerardar û biîrade bibê. Ganî ma meseleyanê xo mîyanê xo de safî bikerê. Xoverdayîşê Şingalî planê hêzanê teberî pûç kerdî. Ma do heta peyên hetê şarê Şingalî de yê.''

Endama TAJÊ Emşe Şengalî pare kerd ke ê nê zîyaretî ra zaf kêfweş  ê û vat: ''Ma do heta peyên erdê Şingalî bipawê, Şingal nêdê. Wa hukmatê Iraqî YBŞ, YJŞ û Asayîşê Êzidxanî bişinasê. Ê ewladê ma yê. Wextê hêrişanê DAÎŞî de Iraq çade bi? Heqê ma esto ke ma xo bipawê û îdare bikerê. Hewceyê ma pê hêzêkê bînî çin o. Ma rê YBŞ, YJŞ û Asayîşê Êzîdxanî bes o.''