Warê Zagrosî ke binê kontrolê gerîlayan de yo  de bi wesîleya roşanê Newroze merasîmêk ame organîzekerdene.

Bi nameyê Fermandarîya Merkezê Pawitişê Şarî  (MPŞ) Amed Malazgirt zî tewrê merasîmî  şayîye bi. Reyna cayanê cîya cîyayan ra xeylêk gerîlayê HPG û YJA Starî zî merasîm de amade bî.

Malazgîrtî roşanê gerîlayan, Rayberê Şarê Kurdî Abdullah Ocalanî , keyeyanê şehîdan û welatperweran pîroz kerd.

Endamê Fermandarîya MPŞyî  Malazgîrtî vat: ''Serran 2021î do zaf çetin ravêro. Koyan û deştanê Kurdîstanî ra heta metropolanê Tirkîya şer do xorî  bo. Dewleta tirke seba ke şer bajaran ra vila bo, beno ke operasyonanê taybetan bikero. 2017î ra nata xeylêk cayanê dinya operasyonê taybetî kerdî ke netîceya înan de pêkewtişî vejîyayî . La înan ra netîce nêgirewte. Eke yeno şima vîr, dewleta tirke Newroza 2017î de vatêne PKK do biqedîyo û nayî ra bawer kerdêne. Tay welatan înan rê hetkarîye kerde û îmkanî dayî ci. Înan zî tay çeke afernayî û wesayîtê bêmerdimî yê hewayî zaf bîyî.

Rîyê nînan ra hesabê qedînayîşê PKKyî kerd û semedê nayî heme îmkanê xo serferber kerdî. La şima vînenê nika ma Newroza 2021î pîroz kenê. Hêzê dewleta tirke nêvejeno ke gerîlayan biqedîno. PKK pê  ruhê xoverdayîşî yê Mazlûm Dogan, Kemal Pîr, Xeyrî Durmuş, Reşwene û xeylêk serkêşanê bînan mucadele keno. Bigneyê ci zixm o. Hêzê xo tîya ra geno. Dewleta tirke zana ke heta ke PKK bibo ê nêeşkenê kurdan û Kurdîstan çîn bikerê û coka her hetî ra hêrişê ci kenê. Ganî he hemrayê/a ma vera hêrişê îşxalî yê dewleta tirke xo pê fedakarîya pîle hazir bikero.''