Hêrişê dewleta tirke ya îşxalkere yê vera Başûrê Kurdîstanî dewam kenê. Goreyê xebera Rojnewsî Wekîlê Herêma Kurdîstanî Zikrî Zêbarîyî vera hêrişan nêrazîbîyayîşê xo mojna û da zanayene ke 2015 ra nata hêrişan de dewleta tirke ya îşxalkere 150 sivîlî qir kerdê.

Wekîl Zêbarîyî ard ziwan ke 150 sivîlan bombardumanan de dinyaya xo bedilnaye û 134 sivîlî zî birîndar bîyî.

Bajarekê Axçelerî yê qezaya Çemçemalî yê Silêmanî de tena menga gulane de hêrişanê dewleta îşxalkere de 5 kesî ameyî qirkerdene, herêma Bamernê ya qezaya Amedîyê ya Dihokî de zî 5 domanî ameyî qetilkerdene û hêrişê vera Mexmûrî de zî kesêk kişîya.