Endamê Koordînasyonê Rêxistinîya Ciwanan a Rojhelatê Kurdîstanî (KCR) Tolhildan Zîlanî derheqê îdîayanê serê weşîya Rayberê Şarê Kurdî Abdullah Ocalanî de ANFyî rê qisey kerd.

Zîlane vat: ''Dewleta tirke ya faşîste binkewtişê Garê reyde waranê ekonomîk, sîyasî û dîplomatîkan de zî derbê giranî werdî. Coka înan Rayber Apo kerd hedef. 

Asayîş û weşîya Rayber Apoyî xeta ma ya sûr a. Îşxalkerî zî naye zanenê. Wa her kes bizano ke bê Rayberîye cuyêke nêbena. Perspektîfê Rayber Apoyî seba ciwanan ferman ê. Eke asayîş û weşîya Rayber Apoyî ser o gefêk virazîyo ma do cade verê xo bidê hedefanê stratejîkan ê dewleta tirke. Hêriş û xîretê vera Rayber Apoyî do bêcewab nêmanê.

Verî zî îdîayê winasênî qewimîyabî. Pê nê sîyasetî dewleta tirke kena ke tehluke û tedaya vera weşîya Rayber Apoyî normalîze bikera. Kurdî û hêzê azadîwaştoxî wa nêkewê na dafike û vera nînan tewirêkê eşkerayî bimojnê. Ciwanî zî wa qet yew rêxistine yan zî dewlete ra azadîya Rayber Apoyî nêwazê.  Bi taybetî wa ciwanê Rojhelatê Kurdîstanî heta ke derheqê weşîya Rayber Apoyî de cewabêkê zelalî bigêrê kuçeyan de xo ver bidê.''