Gerîlaya ARGKyî Zîlane (Zeynep Kinaci) serrgêra 24. ya çalakîya xo ya fedayî de binarê Qendîlî de dewa Silê de pê merasîmêkî ameye yadkerdene. Çalakîye rayberîya Ciwanan ê Welatperweran û Cinîyan ê Ciwanan ê Têkoşeran de dewa Silê ya Qendîlî de ameye kerdene.

Şarê Başûrê Kurdîstanî zî tewrê merasimî bi. Merasîm de posterê Rayberê Şarê Kurdî Abdullah Ocalanî, fotografê Şehîd Helmetî, Şehîde Zîlane û Şehîd Kasimî ameyî berzkerdene. Nameyê Cinîyan ê Ciwanan ê Têkoşeran ser o Bêrîtane Zagros qisey kerd û bale ante cu û çalakîya Zîlane ser. Bêrîtane venga ciwanan da ke têkoşîn bêro xurtkerdene. Merasîm de Koma Şehîd Serhed vejîya sehne ser.

Şarî dima Şehîdgehê Mehmet Karasungurî zîyaret kerd û gorê Şehîd Helmetî de deqayêk rêz girewt.

Merasîm pê sloganan qedîya.