Zîndananê Kurdîstanî û Tirkîya de bibpaykerdişê heqanê merdiman benê zêdêr. Zîndananê  Tipê Fyî yê Wanî, Tîpê Tyî yê Asayîşê Berzî yê Wanî de ke tepişteyê sîyasî tede yê her roje heqê tepişteyan yenê zespkerdene. Zindanan de kitab, kovar û rojnameyî nênê dayene tepişteyan, xoşebera tepişteyan û spor zî qedexe yê. Cigêrayîşê  bi hawayêkê zûtî zî hema zî dewam keno. Tepişteyê wexto ke vera cigêrayîşê zûtî vejîyenê îşkence bi înan yeno kerdene.

Tepişteyê Zîndananê  Tipê Fyî yê Wanî, Tîpê Tyî yê Asayîşê Berzî yê Wanî  bi rayîrê keyeyanê xo qala binpaykerdişê heqanê merdiman kerde. Keyeyanê ke destpêkê menga çeleyî de şîyî pêvînayşî eşkera kerd ke tepişteyî werdî ra ke yeno dayene pê jehrî kewtî. Keyeyan da zanayene ke tay tepişteyê ke rewşa weşîya înan jehrî ra semedî xirab bîye hetê îdareyê zîndanî ra nêameyî berdene bi nêweşxaneyî.

Keyeyêkê tepişteyêkî derheqê babete de ANF reyde qisey kerd. Keyeyî pare kerd ke domanê înan werdî ra pê jehrî kewt û vat: "Bi mengan o heman werd danê tepişteyan. No werd zî bi giranî şorbe û savar o. Seba ke her roje heman werdî wenê tay tepişteyî bîyî nêweş.  Tewr peynî de werdî ra nêzdîyê 20 tepişteyî pê jehrî kewtî. Înan ra tay kesî zî rewşa weşîye ci girane bîye, tay mend ke bimirê la reyna zî îdareyê zîndanî ê nêberdî bi nêweşxaneyî. Ma seba cuya domananê xo biqesawet ê."