Binpaykerdişê heqanê merdiman wextê janî de Zîndanê Cinîyan ê Amedî de zêdîyayî. Emîne Abîşa ke pê telefonî kênaya xo Bêrîvane Abîş reyde qaşa mesleyanê zîndanan ser o qisey kerd û ard ziwan ke xeylêk tepişteyî pê janê Korona kewtî la reyna zî înan rê test nêno kerdene.

Kênaya emîne abîş Bêrîvane Abîş wina vato: ''Dadîya dewaya Sûrî ra yena muhakemekerdene û nika zî zîndanê Amedî de tepişte yaç Dadîya mi 2017 de vera dîyaye la verî bi mengan tepişîyaye. Dadîya mi tewr peyên sewqa Zîndanê Amedî bîye. Amed de didanê ci îltîhap girewt û nêweşe kewta. La înan dadîya nêberda nêweşxane. Dadîya mi rê yena vatene ke seba ke jan esto ê do aye nêberê nêweşxane. Îdareyê Zîndanî venga ambulansî dano û ambulans de derzîne dîyena dadîya mi ro.''

Abîşe pare kerd ke a semedê weşîya dadîya xo qerqilîyena û vat: ''Jan zîndan de zêdîyeno. Dadîya mi telefon de mi rê vat her roje gardîyanî koxûşan ra gêrenê û jan vila kenê. Dadîya mi vat hûmara kesanê ke pê Korona kewtê zêde ya la rixmê ney zî înan rê testê janî nêno kerdene. Rewşa dadîya mi xirab a, ez pê qerqilîyena. Zîndan de kitabî, rojnameyî nêdîyenê înan. Ma çar bira û waye têna mendî. Pîla keyeyî ez a û seba debara keyeyî ez xebitîyena. Ez wazena wa dadîya mi bêra veradayene.''