Grevê vêşanîye yê 10 tepişteyanê Zîndanê Riha roja 11. de dewam keno. 15ê tebaxe ra nata 11 tepişteyê bînî zî tewrê grevî bîyî. Komeleya Huqûqnasanê Seba Azadîye (OHD), Komeleya Heqanê Merdiman (ÎHD), Baoryê Riha, Odaya Tabîban a Riha û Sendîkaya Kedkaranê Weşîye û Xizmetanê Umûmîye (SES) seba teqîbê grevî komîteyêke awan kerde.

Komîte waşt ke derheqê grevî de mudirê zîndanî de qisey bikero la mudirî qebul nêkerd. Komîte rojanê verê ma de do reyna seba zîyaretî muracat bikero.

Keyeyê ke şîyê pêvînayîşî înan dîyar kerd ke tepişteyî grev de qerardar ê û heta ke waştişê înan nêrê qebulkerdene do grevî rê dewam bikerê. Keyeyan venga rayaumûmîya demokratîke da ke wa derheqê babete de hîsger biba.

Nameyê tepişteyanê grevê vêşanîye wina yê: Îdrîs Duruk, Emîn Çetîndaş, Omer Aslan, Suat Berlîk, Selami Çîftçî, Mazlum Dogan Taniş, Şervan Muhammed, Emîn Korkmaz, Lokman Ayebe û Abdulselam Demîr.

Tepişteyê ke 15ê tebaxe de dest pê grevê vêşanîye kerdo wina yê: Keleş Celal, Ogur Faîkoglû, Mustafa Mûslûm, Haşîm Arslan, Cuma Îbrahîm, Kenan Dogan, Mahmut Tutal, Ferît Ak û Abdulkadîr Budak.