Zîndanê Riha de vera binpaykerdişê heqan grevê vêşanîye yê bêdem-bêagêrayîşî yê 5 tepişteyan roja 4ine de dewam keno. Tepişteyan da zanayene ke eke waştişê înan nêrê ca do heme tepişteyî bikewê girev.

Tepişteyî wazenê ke nêweşî bêrê tedawîkerdene, saetê pêvînayîşî newe ra bêrê serûberkerdene, heme heqê înan ke yenê binpaykerdene bêrê dayene. Merdimanê tepişteyan da pêhesanyene ke Riha ke dereceya germîye bîya 45 de tepişteyî prolemê awe zî ancenê û wazenê ke no problem zî cade bêro çareserkerdene.

Tepişte Kasim Karataşo ke 29 serrî yo zîndan de û 4 rojî yo grevê vêşanîye de yo bi mîyançîya kênaya xo Gulîstane Karataş  da zaneyene ke eke waştişê înan nêrê ca heme tepişteyî do tewrê grevê vêşanîye bibê. Karataşe da zanayene ke tepişteyan waşt ke problemê xo sey 11 madeyan dezgehanê komelê sivîlî rê bişawê la îdareyê zîndanî destûrê naye nêdo.

Babîyê Mahmut Tutalî ke 4 serrî yo 10 zîndanan de mendo, Emîn Tutalî zî da zanayene ke lajê ey vato problemo tewr pîl problemê awe yo ke rixmê nêweşîya Korona û gerîmîye awa înan tim yena birnayene .