Komîsyonê 21ê Sibate yo ke hetê Platformê Ziwanê Kurdkî û Torra Ziwan û Kulturî ya Kurdan ra ronîya, 22ê sibate de seba ke kurdkî biba ziwanê fermî û perwerdeyî kampanyaya îmzayan daye destpêkerdene. 

Endamê Komîsyonê 21ê Sibate û Mamostayê Komeleya Cigêrayîşam a Ziwan û Kulturanê Mezopotamya (MED-DER) Mirad Bîlgîçî derheqê kampanya de ANFyî rê qisey kerd. 

Bîlgîçî ard ziwan ke kampanya armanc kena ke verê asîmîlasyonî bigêra, kurdkî bikera ziwanê fermî û vat: ''Kurdkî hema zî qedexe ya, Meclîs de tira 'ziwanê nenasî' vajîyeno. Seba ke ziwanê ma bibo ziwanê kurdkî ma dest pê na kampanya kerd. Ziwan yewî û ameyoxê ma yo. Ziwan estbîyayîş û vîr o, wa her kes nê vîrî de cayê xo bigêro. Coka ganî her kes paştî bido na kampanya. Pê beşdarîya partîyan ê sîyasîyan zî kampanyaya ma bîya xurtêr.''

Bîlgîçî da zanayene ke Armancê ma bi mîlyonan îmza yê. Ma hem kuçe kuçe gêrenê îmzayan arê danê hem zî înternetî ser o îmzayan arê danê. Heta nika înternetî ser o 11 hezar îmzayî arê dîyayî. Nê îmzayî armancê ma rê nêvejîyenê. Ganî ma zêdêr xîret bikerê. Kurdkî tim qedexe ya. Kurdî hînî wazenê ziwanê înan bişinasîyê. Na kampanya kampanyaya pêro kurdan a. Kam wazeno hetkarî bido ca wa bêro. Çi demokrat, çi sosyalîst, çi bawermend wa pêro kurdî wayîrê kampanya vejîyê.''

Lînkê îmzayan: