Emîne Şenyaşara ke mêrde û di lajê ci hetê pawitox û merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde verê Edlîyeya Riha de 20 rojî yo çalakîya 'nobeta edaletî' rê dewam kena.

Sekreterê Pêroyî yê Komeleya Pirdê Şaran Yusuf Akî keyeyê Şenyaşarî zîyaret kerd û vat: ''Ameyîşê mi qîm nêkeno. Ez venga pêro rêxistinan, dezgehan û partîyan dana ke wa wayîrê keyeyî vejîyê. Haq, hûqûq yenê binpaykerdene. Wa şarê Tirkîya wayîrê na nobete vejîyo. Kesê ke eşkenê wa verê berê edlîyeyanê şaristananê xo de nobete bigêrê.''