122 serrî verê cû ewro hûmara verêne ya rojnameyê verênî yê kurdan 'Kurdistan' weşanîyaye û medyaya kurdî dest pêkerd. Rojnameyê 'Kurdistan'î 22ê nîsana 1898î de şaristanê Qahire yê Misirî de hetê Mîqdat Bedirxanî ra qasê 4 rîpelan ame vetene û heta 1902î 31 hûmarê ci weşanîyayî.

Rojnamegeranê Efrînî derheqê Roja Rojnamegerîya Kurdî de fikrê xo vatî.

Muxabîrê Çira TVyî Mistefa Reşoyî vat: ''Na rojêka fîraz a. Pê Rojnameye Kurdistanê raştîya şarê kurdî vejîyaye werte. Çapemenîyê dewletan goreyê menfaatanê xo têgêrenê û vera raştîya kurdan ê.''

Muxabîra Ronahî TVyî Ronahî Roj vat: ''Ez pêro şehîdanê çapemenîya kurdî yad kena. Ma armanc kenê ke dej û serebûtê şarê xo biresnê dinya.''

Rojnamegera Ajansê Jin Newsî Hesna Mihemed vat: ''Ma xeta xoverdayoxe ya rojnamegerîya kurdan ser o şinê. Pê Şorişê Rojawanî rayîrê averşîyayîşê cinîyan bîyî a û cinîyan warê çapamenîye de ca girewt.  Di serrî yo ke Efrîn de ca û warê ma destê ma ra şîyî. Îmkanê ma tay ê la xoverdayîşê ma dewam keno.''