Dewleta tirke ya îşxalkere 5ê teşrîna verêne ra nata hêrişê xo yê vera Rojawanê Kurdîstanî zêdînayî. 

Dewleta tirke ya îşxalkere 24 saetanê peyênan de tewr tay 40 herêmê Rojawanî dayî bombayan ver. Bombardumanan de 6 sivîlî û 4 endamê Hêzanê Asayîşê Zereyî şehîd bîyî, 12 kesî birîndar bîyî.

40 herêmê Hesekê, Qamişlo, Kobanê, Efrîn, Şehba û Minbicî hêrişan de ameyî hedefkerdene.

Netîceya hêrişan de îstasyonê awe yê Himê yê Hesekê texrîb bi, kargehê dewa Mişêrfê Himê de 3 karkerî birîndar bîyî.

Qamişlo de îstasyonê petrol, awe û awbendî dîyayî bombayan ver û zerar resa gan û binawanîye ser. Hêrişê vera dewa Til Hebeşî ya Amûdê de 6 endamê Hêzanê Asayîşê Zereyî şehîd bîyî, 2 endamî birîndar bîyî.