Merkezê Îrtîbatî yê Hêzanê Asayîşê Zereyî  derheqê hêrişanê dewleta tirke yê vera Rojawanî de eşkerayîye daye û nê vatî:
" Ma hêrişanê qirkerdişî yê dewleta tirke yê vera herême rayrapêroyîye reyde pare kenê:

- Dormeyê Kampa Waşûkanî ya Hesekê ya ke macîrê Serêkaniyê tede yê dîya bombayan ver.

- Dewa Mişêrfê ya Hesekê de fabrîkayêke ameye hedefgirewtene, hîrê xebatkarî birîndar bîyî.

- Qezaya Çilaxa ya Kantonê Qamişloyî de dormeyê awbendî ameyî hedefgirewtene.

-Kantonê Kobanê de nêzdîyê dewa Xirab Îşkê de motorsîkletêk ame hedef girewtene, di hemwelatîyî şehîd bîyî.

- Tay dewanê Kobanê, Til Temir û Hesekê de ke hemwelatîyî tede ciwîyenê ameyî hedefgirewtene.

- Tirbesipiyê de nêzdîyê dewa Gir Dahokî de îstasyonê petrolî ame hedefgirewtene.

- Dewa Qewsî ya qezaya Çilaxa ya Kantonê Qamişloyî de îstasyonê Petrolî ame hedefgirewtene.

- Dewa Rikuba ya qezaya Til Temirîde îstasyonê awe ame hedefgirewtene, xesaro madî ame meydan.

- Hêrişê vera dewa Til Hebeşî ya qezaya Amûdê ya Kantonê Qamişloyî de 6 endamê Hêzanê Asayîşê Zereyî şehîd bîyî.

Ma veng danê heme pabesteyanê şarê xo: Ganî ma bi yewîye û paştîdayîşî, bi hewayêkê qerardar pawitişê herême xo rê dewam bikerê. Ma veng danê ke wa vera hêrişanê dewleta tirke têkoşînê bêro xurtêrkerdene.”