Merkezê Çepamenîya QSDyî bîlançoya şerê 24 saetanê peyênan eşkera kerde.

Beyanatê QSDyî de nê çîyî ameyî parekerdene:

"Artêşa tirke ya îşxalkere herême de têgêrayîşê xo dewam kerd. Zaf cayan de bombavarnayîşanê giranan reyde têgêrayîşê keşfî yê teyarayanê bêmerdiman zî dewam kerd.

Til Temir

Artêşa îşxalkere dewanê Erîşa û Til Mihemedî de bi paştdayîşê teyarayanê bêmerdiman hêrişê çeperanê hêzanê ma kerd û herême ser o bombayî varnayî.

Eyn Îsa

Artêşa îşxalkere nêzdîyê dewa Qizelî ser o bi hawayêkê giranî bombayî varnayî. Dewanê Kefîfa û Sarûncî de artêşa îşxalkere bi armancê zêdekerdişê îşxalê xo hêrişê çeperanê hêzanê ma û cayê sivîlan kerd. Netîceyê hêrişê komanê cergan de meydanî de şerêko giran qewimîya. Netîceyê bombavarnayîşî de zî zîyanê madî resayî hemwelatîyanê sivîlan.

Şeranê herêma Eyn Îsayî de 2ê ci sercergê koma Sultan Muradî bi temamî 5 cergî ameyî kiştene û zaf cergî birîndar bîyî.

Netîceyê hêrişanê artêşa îşxalkere de  embazê ma şehîd bîyî."