Hêzê îşxalkar ê Tirkî û çeteyê ci Efrînijan bi zor, bi îşkence û bi tehdîtê komkiştişî înan cayanê ci ra keno û herinda ci de keyeyanê çeteyan ca keno.

Na serra peyêne de bi çarçewaya kampanyaya pakkerdişê etnîkî bi hezaran kesî Efrîn de ameyî bicakerdene. Nê kesî sere de Îdlîb, cayê bînê ke binê kontrolê îşxalkarîya Tirkî de yê de û Efrînd de yenê bicakerdene. Goreyê ANHA'yî dewleta Tirkî, zafanê keyeyanê Heyet Tehrîr El-Şam (Cebhet El-Nusra) ra 190 hezar kesî Îdlîbî ra ardî û Efrîn, Ezaz, Bab, Cerablus û Raîyî de ca kerdî. Yeno vatene ke mabanê hêzanê rejîmê Sûrîye û grubanê çeteyan ê dewleta Tirkî de Îdlîb de şer qewemîya, keyeyê çeteyan ê Heyet Tehrîr El-Şamî bajar ra ameyî vetene. Yeno vatene înan ra 60 hezar ameyê berdene bi Efrîn. Keyeyê ke herême ra ardê Cindîres, Şiyê, Bilbilê, Şêra û merkezê Efrînî de ameyî bicakerdene. Verê cû zî zafanê ci keyeyê çeteyan ra 4 hezar kesî Efrîn de ameybî bicakerdene. Bi nê neqlanê peyênan hûmara keyeyanê çeteyan a ke bajar de ameyê bicakerdene bîye 64 hezarî. Hêzê îşxalkar ê Tirkî, teberê cakerdişê keyeyanê çeteyan ê herêmanê Kurdan, bi hezaran kesî zî berdî kampa Atme û dewa Dêrbelûtî ya Cindîrêsî. Hetê bînî ra ame vatene dewa Mele Xelîlî ya Cindirêsê de zî kampê girdî ameyî awankerdene.