Kampa Erîşa yê Hesekê seba koçberanê Reqa û Derazorî ronîyabî. Koçberan semedo ke keyeyê înan hetê cerganê Sûrîye û Îranî ra ameyî îşxalkerdene nêeşkenê agêrayî keyeyê xo. Kampe de tewr tay 14 hezar koçberî manenê.

Hêrişê dewleta tirke yê vera Rojawanî ra dima kampe bîye dê. Dima ke koçberê Mebrûka û Eyn Îsayî zî ameyî nufusê kampe resa 7 hezar.

Hemserekê Kampa Erîşa Zahîr El Xerbîyî da zanayene ke dima ke sivîlî agêrayî waranê xo yê ke hetê QSDyî ra ameyî xelisnayene kampe de cayê nêweyî abîyî.

Koçberê Derazorijî Şahîr Alîyî bale ante hetkarîyan ser ke hetê Îdareyê Xoserî yê Rojawanî rê yenê kerdene.

Koçberê bi nameyê Sefkan Mîhdîyî zî vat ke îdareyê kampe hewcedarîyanê bingeyînan peyda keno. Mîhdîyî waşt ke dezgehê hetkarîye yê mîyanneteweyî abigêrê kampe ke kampe teriknabi.