Delal Beddûla Laskîyeyije ya ke bi tesîrê fîkrîyatê Ocalanî mêrde û lajê xo tewrê mucadeleyê azadîye kerdîî xoverdayîşî canêverdena. Yew lajê û mêrdeyê ci şehîd ê, lajêkê ci YPG de yo, yewê zî Asayîş de yo, a xo zî her çalakîye de ya.
Dayîke Delal Beddûla ke bi keyeyê xo mîyanê mucadeleyî de ya û mêrde û lajêke ci şehîd bîyî, Rojawan de hema hema her çalakîye de ya. Dayîka Delale nika zî çalakîya paştdayîşê grevê vêşanîye yê Qamişlo de ya.
Dayîke Delale ke xeyma grevê vêşanîye de qisey kerd ard ziwan ke lajê aye şehîd Cemşît Qamişlo rixmo ke xeylî rey birîndar bibi semedê qesasê embazanê xo cephe canêverdayêne û vat ke bi lajê ci sereyê aye tim berz o. Delale vat ke mêrde aye zî 1995 de tewrê sefanê gerîlayî bi û bado zî hetê rejîmê Sûrîye ra ame destbendkerdene û dime ra ame qetilkerdene.
Dayîke Delale pêvînayîşê xo yê Rayberê Şarê Kurdî Abdullah Ocalanî zî wina pare kerd: ‘’ Mi bi kitabanê Rayber Apoyî dest bi naskerdişê ey kerdbi. Edebîyat û hêzê tehlîlkerdişê Rayber Apoyî mi ser o tesîr kerd. Mi xo nê fikrî de dî. Ez xora persayêne, ez ganî senî nê fikrî biciwîye, senî azad bibe. Bi naskerdişê partiye demokrasî û azadîye ra ma hîna hol fam kerde û daye ciwîyayene. Mêrdeyê mi zî hetê azadbîyayîşê cinîyan de bi. Rojêk embazî Delîl, Mizgîne, Serkeftin û Dîcle ameyî keyeyê ma, vat ke fermandarêk yeno kombîyayîş virazeno û waşt ke ezî tewrê ci bibî. Ez bi xo fikrîya mi va belka serek zî yeno û semedê vînayîşê ey ez şîya. Ber cîya mi kerd a Rayber Apo ver bi mi de yo. Raşta zî heybetêkê ci estbi. Serekî 4 saetî qisey kerd. Her qalê ey senî ke derbanê ma derman bikero wina bi. Mi Rayber Apo wendebi la a reye ra dime vatişê ey reyna mezgê mi de ca girewt.
