Çeteyê DAÎŞ'î yê xerîbî heme Tirkîya ser o ameyê!

Mabênê çeteyanê DAÎŞ’î yê ke teslîmê QSD’yî bîyê de zaf kesî estê ke welatanê cîyayan ra ameyê. Çîyo ke nê çeteyan hemeyan resneno pê, heme zî Tirkîya ser o tewrê DAÎŞ’î bîyê.

Dewa Baxozî ya qezaya Hecînî ya Dêrazorî de, operasyonê Hêzanê Sûrîyeya Demokratîke (QSD) de vizêrî  û perey zaf çeteyê DAÎŞ’î teba keyeyanê ci teslîmê QSD’yî bîyî.

QSD’yî seba hewilnayîşê sîvîlanê ke herême de mendê û çeteyê DAÎŞ'î yê ke teslîmê QSD’yî bîyî û keyeyanê înan, 9'ê Sibate mabên dabi operasyonanî.

9'ê Sibate ra heta 1'ê Adare 10 hezar kesî ra zêdeyî herême ra ameyî hewilnayene. 2 hezar çeteyê DAÎŞ'î yê ke zafêrîya ci xerîb ê û teslîmbîyayîş qebûl nêkerdibi û keyeyanê xo reyde qerar dabi ke şer bikerê.

Dimayê nê qerarî, şerwananê QSD’yî 1'ê Adare saete 18:00 de hîrê hetan ra herême de dest bi operasyonî kerd. Operasyono ke hetêk ra şero giran qewimîyeno, hetê bînî ra zî korîdorê şerwananê QSD'î vizêrî û pereyî nêzdîyê 5 hezar kesê bînî ameyî hewilnayene. Zafêrîya çeteyan zî welatanê xerîban ra yê ke çar hetanê dinya ra ameyê.

Çîyo hempar ê nê çeteyan o yo ke, tebere yê Iraqî de  ê bînî heme Tirkîya ser o ameyê Sûrîye. Çeteyê DAÎŞ'î yê ke şinê Sûrîye zafê înan Tirkîya ser a şîyê û vanê ke înan qet zehmetîye nêdîya.

Çeteyê DAÎŞ'î yo bi nameyê Ebdulhemît Dimeşk Fas ra verê xo dayo Tirkîya û uca ra zî derbazê zereyê Sûrîye bîyo. Dimeşk DAÎŞ'î hîna sey 'dewlete' vîneno û vano, ‘’Panc serrî verê cû ez Tirkîya ser o derbazê zereyê Sûrîye bîya.” Dimeşkî va:’’ Ez asan Tirkîya ra derbazê zereyê Sureyî bîya. Mabenê ma  de pêameyîş esto. Dimayo ke ez ameya Tirkîya mi xo resna tîya. Ez nêzana mabênê Tirkîya û dewlete de peymanêka senêne esta, labelê ez asan derbazê nê hetî kerda. Ez bi fermî derbaz bîya. Ameyîşî ra dima ez wextêk Hûmûs de menda, bado herêma Meyadîn de menda. Ez qet nêşîya herêmanê Kobanê yan zî Cizîrî.”

Çeteyo bîn o ke Tirkîya ser o tewrê DAÎŞ'î bîyo, Ebû Liya yo ke Endonezya ra ameyo. Ebûyî ard ziwan ke o 4 serrî raver Tirkîya ser o derbazê Surîye bîyo û vat, “Verê ameya Tirkîya, uca ra zî ameyî tîya. Ameyîşî ra dima, wextêk Tedmûr de menda, bado ma derbazê Reqa bîyî û uca ra zî ameyî tîya.”

Çeteyê DAÎŞ'î yo bi nameyê Suleyman o ke Efganistan ra yo û Tirkîya ser o tewrê DAÎŞ’î bîyo. Suleymanî ard ziwan ke, o Cerablûs û Mînbîc de mendo, Tebqa de zî dimayo ke birîndar bîyo dest bi xebatanê propaganda ya rêxistine kerdo.

Suleymanî vat, “Tirkîya ser o ez derbazê Sûrîye bîya. Cerablûs de menda. Verê cû zî Mînbîc de menda. Bado zî Tebqa de menda û uca de birîndar bîya. Tebqa ra dima derbazê Reqa bîya û wextêk ra dima Meyadîn de nêweşxane de menda. Dimayo ke birîndar bîya tewrê karê çapemenîye bîya, înternetî ser o. Persê “Şima poşman ê?” bê cewab verdo.

Ma rastê di çeteyan yenê ke herêma Dagîstanî ya Rûsya ra yê. Ebîbekir Dagistan bi Erebkîya xo ya kême, ard ziwan ke hîrê serrî verê cû Tirkîya ser o derbazê Sûrîye bîyo.

Çeteyo bîn ê Dagistanij ra ke ma nameyê ci pers kerd, vat ke nameyê rastikên yan kodî vajî. Nameyê ey o rastikên Abdûlvahap a û mabênê DAÎŞ'î de nameyê ci Îbrahîm Dagistan o. Çeteyî ard ziwan ke wextêk Girê Spî de mendo û bado zî Tebqade birîndar bîyo û vindegehê ey o peyên Dêra Zor o.

Mistafa Selah o ke Iraq ra tewrê rêxistine bîyo hîna serra 2004 de ameyo dinya. No keso ke başûre Bexda ra tewrê DAÎŞ’î bîyo û wextêk Ebû Kemal de mendo, vano ke o seba Îslamî tewrê ci bîyo.

Çeteyê DAÎŞ’î yo bîn o ke Tirkîya ser o derbazê mabênê DAÎŞ’î bîyo Senhad Salih o. Senhad Erebîstanê Siûdî ra yo. Senhad Salih zî derbazê Ezazî bîyo, bado çolê Helebî de mendo. Salih ard ziwan ke ey hemsera xo herêma 'Mertalê Firatî' ya ke hetê dewleta Tirkî yena kontrolkerden de verda û  o wazeno ke agêro Erebîstanê Siûdî.