Îdarekara Keyeyê Cinîyan ê Şehba Emele Îsmaîl kar û xebat û cuya cinîyanê Şehba ser o qisey kerd.

Emele vat: "Ma sey cinîyanê Şehba dima ke herêma Şehba DAÎŞî ra û cerganê dewleta tirke ra xelîsîyaye teberê cuya keyeyî de seba her cinîye cuyêka newîye û biarmance awan kerde. Armancê ma no yo ke ma fikir û felsefeya neteweyê demokratîkî mîyanê cinîyan de vila bikê.

Cinîyê Şehba bi nê fikrî perwerde û semîneran danê. Bi rayîrê komunana derheqê zewajê domanan û babetanê bînan de komel roşnî kenê. Cinîyî tersenê ke DAÎŞ do abigêro û cin3iyan asteng biko. Armancê DAÎŞî çinkerdişê kulturê Rojawanî bi. La ser nêkewt."

Emele destpêkerdişê awankerdişê Keyeyê Cinîyan ser o vat: "Wexto ke Keyeyê Cinîyan ame awankerdene cinîyan îsbat kerd ke ê eşkenê meseleyanê xo çarser bikê. Perwerdeyo ke cinîyan vînenê rolêko pîl kay kerd. 

Kar û xebata cinîyanê Şehba pêro hetan de rolê xo ard ca, bi rayîranê zîyaretê keyeyan, dibistanan cînîyan ciwanî hîşyar kerdî. Heman wextî de cinîyan meseleyê ke DAÎŞî ra dima mendî roşnî kerdî. Her cinîyêka Şehba bi ziwanê xo qisey kena. Cinîyê Şehba zanenê ke bimusnê cinîyanê komelî ke rolê înan mîyanê komelî de çi yo."