Dayîreyê Çapemenîye yê Îdareyê Xoserî yê Rojawanê Kurdîstanî hêrişê dewleta tirke ya îşxalkere yê vera muxabîranê JIN TVyî şermezar kerd û rayaumûmîya mîyanneteweyîye ra waşt ke na barbarîye rê vaja bes o.
Dewleta tirke ya îşxalkere bi droneyê çekdarî vizêr wesayîtê JIN TVyî kerdbi hedef. Hêriş de karmendekê JIN TVyî şehîd bi û rojnamegerêke zî birîndare bîye.
Dayîreyê Çapemenîye yê Îdareyê Xoserî yê Rojawanî derheqê hêrişî de eşkerayîye daye. Îdareyê Xoserî pare kerd ke dewleta tirke bi hawayêkê barbarî her roje hêrişê sivîlan kena û qanûnanê mîyanneteweyîyan binpay kena.
Îdareyê Xoserî vat: ''2023 de 6 rojnamegerî herêmanê Sûrîye de ameyî qetilkerdene. Tewr peyên rojnameger Îsam Ebdullah amebi hedefkerdene. Ewro (vizêr) droneyêkê çekdarî yê dewleta tirke verê çimanê pêro dinya, NY, Konseya Asayîşî de wesayîtê rojnamegeran kerd hedef.
Ma venga komelê mîyanneteweyî, dezgehanê huqûqî û rêxistinanê mîyanneteweyîyan danê ke verê sûcanê dewleta tirke ya îşxalkere bigêrê û hesabê nê sûcan bipersê.''
