Dezgehê Radyo Televîzyonî yê Vakurê Almanya (NDR) îdîa kerdbi ke Wezîrîya Karanê Teberî yê Almanya aşma çeleyî de Rojawanî ra 25 cinî û domanê DAÎŞîjan waştî la Îdareyê Xoserî qebul nêkerd. Hemserekê Konseyê Karanê Teberî yê Îdareyê Xoserî Dr. Abdullkerim Omerî NRDyî zurekere vet.

Omerî îdîaya ''Almanya Rojawanî rê cinî û domanî waştî û Îdareyê Xoserî qebul nêkerd'' red kerde û vat nê vatişî raşt nîyê.

Nizdê 52 welatan ra çeteyê DAÎŞî Rojawan tepişteyî û doman û cinîyê ke kampan de manenê problemê înan zî dewam kenê. Kampa Holî de 10 û 500 cinî û domanê ke xerîbî ke hemwelatîyê Iraq û Sûrîye nîyê estê. Welatê ke hemwelatîyê înan berpirsîyarîya înan nêgenê. Îdareyê Xoserî nê welatan ra waşt ke hemwelatîyanê xo peyser bigerê, semedê kampan projeyanê hemparan bikerê û mehkemeyanê mîyanneteweyî ronê. Konseyê Karanê Teberî yê Îdareyê Xoserî welatanê ke muracat kerd cinîyê DAÎŞîyî sey fermî teslîm kerdî. Tay welatan sînorkerde tay hemwelatîyê xo girewtî la xeylêk welatan heta nikan hemweltîyê înanê ke kampan de yê nêgirewtî. Nê welatanê ke qet hemwelatîyêkê xo nêgirewtî ra yew zî Almanya ya.