5ê hezîrane de qeraxanê Cezayîrî de keştîyêka multecîya cumê awe bibî. Netîceya serebûtî de 24 kesan dinyaya xo bedilnaye ke zafê înan Serêkanîyê û Efrînî ra bîyê.

Dayîreyê Têkilîyanê Teberî yê Îdareyê Xoserî yê Rojawanê Kurdîstanî derheqê serebûtî de eşkerayîyêke daye. Eşkerayîye wina ya:

''Reyna şarê ma eşnawit ke merdimanê înan rayîrê multecîtîye de dinyaya xo bedilnaya. Nê rayîrî de bi hezaran kesanê welatanê cîyayan dinyaya xo bedilnaye. Çend rojî verî qeraxanê Cezayîrî de roniştoxanê herêma ma zî dinyaya xo bedilnaye. Zafê nê kesî şaristananê Serêkanîyê û Girê Sipî ra bîyê ke binê îşxalê dewleta tirke de yê. Selahîyetdaranê Cezayîrî vizêr vetişê cenazayan qedîna. Çarçewa erkanê ma de ma do cenazayanê şarê xo bi lezî bigêrê.

Ma keyeyanê qurbananê nê serebûtî rê serweşîye wazenê. Ma venga şarê xo danê ke cuya xo nêkerê qurbanê rayîrê multecîtîye yê mergî.''